54 yaşlı məşhur qalada dekoltesi ilə göz qamaşdırdı

15 fev 2024 12:00

GÜNDƏM

ads

54 yaşlı Hollivud ulduzu Cennifer Lopez dekolteli geyimi ilə izləyiciləri növbəti dəfə özünə heyran edib.

Publika.az xarici mətbuata istinadən xəbər verir ki, ötən gün məşhur müğənni və aktrisa Cennifer Lopezin "This Is Me…Now: A Love Story" yeni vizual albomunun təqdimat mərasimi olub. Şir bürcü olan dünya ulduzu gecə üçün "Zuhair Murad" moda evinin 2022-ci ilin payız kutyur kolleksiyasından qara don geyinib. Korset hissəsi məxmərdən hazırlanan libasın şəffaf ətəyi bürc simvolları ilə bəzədilib.

O, görünüşünü bir neçə böyük üzük, bir cüt düyünlü sallanan sırğa və kiçik qara dəri mufta ilə tamamlayıb. Saçlarını açıq saxlayan sənətçi makiyajda da paltarının rənglərini istifadə etməyə qərar verib. Dodaqlarını isə şaftalı dodaq boyası ilə vurğulayıb.

Mərasimdə ulduzu həyat yoldaşı Ben Afflek tək qoymayıb. Onlar kamera qarşısına keçərək birlikdə poza veriblər. Ben hətta Cenniferin bəzi kadrlarını da şəxsən özü telefonla lentə almağa çalışıb. Cütlüyün səmimi görüntüləri videoqrafların diqqətindən qaçmayıb.