"Liverpul"un keçmiş baş məşqçisi Yurgen Klopp klubla vida gecəsi zamanı keçmiş komandasının maliyyə imkanlarını digər Premyer Liqa klubları ilə müqayisə edib.

Publika.az xəbər verir ki, almaniyalı mütəxəssisin belə imkanlarla mübarizə aparmağın daha doğru olduğunu bildirib:

“Liverpul"u limitsiz pulu olan bir klub kimi təsəvvür edə bilərsinizmi? Təsəvvür edin ki, Kilian Mbappe, Cud Bellinqem, Erlinq Haaland bura gəlir. Bu bizlik deyil. Bizə yaraşmır. Qazandığımızı qazandıq və bunu "Liverpul" kimi bacardıq. Sahiblər əllərindən gələni edirlər. Sahibkarlar pul qazanmaq istəyirlər. Bunu sizə dediyim üçün üzr istəyirəm. Onlar hər gün pul qazanmırlar. Nəyəsə sərmayə qoyurlar və bu, bütün dünyada belədir.

Çox şanslı olmalıyıq ki, London klublarını alan şəxslər kimi yox, belə sahiblərimiz var. Onların rəhbərliyi altında "Liverpul"da bir il yaşamazdım. "Əla, inkişaf var, lakin kifayət qədər yaxşı deyil, onu işdən çıxarın!" Onların komandaları futbol oynayır və insanlar hər şeyin düzəldiyini düşünürlər, amma sonra məşqçini işdən çıxarırlar. Klub üçün həqiqətən məsuliyyət hiss edən və uğur qazanmaq üçün çox çalışan sahiblərimiz var. Onlardan dəstək hiss etdim. Biz bunu bacardığımız qədər yaxşı etdik və mən bundan məmnunam”.

Qeyd edək ki, Klopp "London klubları" ifadəsini işlədərkən "Çelsi"ni, qovulan məşqçidən danışarkən bir neçə gün əvvəl vəzifəsindən azad edilən həmkarı Mauritsio Poçettinonu nəzərdə tutub.

Heybət