Meksika vasitəsilə ABŞ sərhədinə çatmağa çalışan 30-a yaxın Gürcüstan vətəndaşı yerli kartel tərəfindən girov götürülüb.

Publika.az xəbər verir ki, bu barədə "Novosti-Georgia" məlumat yayıb.

Həmin şəxslərin yaxınları bildiriblər ki, qaçıranlar girovların azad edilməsi müqabilində 90 min dollar tələb edilir.

"Mtavari" telekanalı itkin düşənlərdən birinin mesajını nümayiş etdirib, ona pul istəmək üçün qohumları ilə əlaqə saxlamağa icazə verilib. O, digər 120 girovla birlikdə zirzəmidə saxlandığını bildirib. Görünür, onların arasında başqa ölkə vətəndaşları da var.

Yaxınları kömək üçün Gürcüstan Xarici İşlər Nazirliyinə müraciət ediblər.

Gürcüstan Xarici İşlər Nazirliyi əlavə məlumat əldə etməyə çalışdıqlarını bildirib. İndiyədək Gürcüstan vətəndaşlarının harada olduğunu müəyyən etmək mümkün olmayıb.

"Pirvel"inin mənbələri iddia edir ki, artıq 15 nəfər üçün məbləğin yarısı, yəni 45 min dollar köçürülüb. İndi qalanlar üçün sövdələşmənin davam etdiyi iddia edilir.

Məsələ ilə yaxından tanış olan kanalın həmsöhbəti hesab edir ki, yerli hakimiyyət orqanlarının köməyinə ümid etmək lazım deyil. O bildirib ki, Gürcüstan vətəndaşları birbaşa Meksikanın immiqrasiya rəsmiləri tərəfindən kartelə təhvil verilib.

Hüseyn İbadlı