Britaniya xeyriyyə təşkilatına bağışlanan supermarket yumurtası qeyri-adi xüsusiyyətinə görə hərracda 250 dollara satılıb.
QÜTB.AZ UPI-yə istinadən xəbər verir ki, yumurtanın bu qiymətə satılmasına səbəb onun mükəmməl sferik forması olub.
Yumurta əvvəlcə Şotlandiyada bir ərzaq mağazasında alınmış onlarla yumurtanın arasından tapılıb və Berkşir sakini Ed Paunell tərəfindən "Thomson Roddick Callan" hərrac evi vasitəsilə 187 dollara alınıb. Paunell onu gənclərə dəstək olan "Iuventas Fondu"na bağışlayıb.
Xeyriyyə qrupu yumurtanı fandreyzinq auksionu çərçivəsində satıb. Fondun sözçüsü Roz Rapp bildirib ki, onlarla başqa əşyalar üzrə təkliflərin daxil olduğu hərracda xeyriyyə məqsədi ilə ümumilikdə təxminən 6250 dollar toplanıb.
Adəm
