9-cu sinif şagirdi Krasnodar diyarının Volnoye kəndinin 35 yaşlı sakinini küçədə zorlamağa cəhd edib.

Publika.az Rusiya mətbuatına istinadən xəbər verir ki, hadisə ilə bağlı məlumat ilk olaraq sosial şəbəkələrdə yayılıb. Bu fakt hüquq-mühafizə orqanları tərəfindən təsdiqlənib.

Məlumata görə, hadis mayın 9-da baş verib, lakin bir neçə həftə ərzində zərərçəkmiş bunu ictimailəşdirməyə cəsarət etməyib.

Kənd sakininin sözlərinə görə, o, axşam saat doqquz radələrində mağazadan evə qayıdarkən, kimsə arxadan ona hücum edib, boğazından tutub və əli ilə ağzını bağlayıb. Qadın təcavüzkar ilə mübarizə aparmağa çalışıb, lakin huşunu itirib. Ayılanda üzü üstə uzanıqlı imiş. Oğlan onu soyundurmağa çalışsa da, uzun pencəyi ona mane olub. Qadın qışqırıb, kömək çağırıb. Bu zaman təcavüzkar qorxub və gizlənməyə çalışıb. Yaxınlıqdakı qonşu yeniyetməni tutub. Hadisə yerinə polis çağırılıb.

Məlum olub ki, ona hücum edən 9-cu sinif şagirdi olub. Qadın onu mağazanın yanında dostlarının əhatəsində gördüyünü xatırlayıb. O, mağazadan çıxanda oğlan onun arxasınca gəlirmiş.

Polis şöbəsinə aparılan şagird qışqıraraq daha bu cür hərəkət etməyəcəyini, bağışlanmasını istəyib. O, həmçinin "sadəcə seksin ləzzətini hiss etmək istədiyini" söyləyib. Polis şöbəsinə gələn şagirdin anası “yaşıdların sənə bəs etmir?” deyib.

Zərərçəkmiş qadın gəncin kənddə digər qadınlara da hücum etdiyini, hətta onun üçüncü belə hərəkəti olduğunu bildirib.