“ABŞ-ın yeni seçilmiş prezidenti Donald Trampın administrasiyası dövründə Rusiyanın Ukraynaya qarşı müharibəsi daha tez başa çatacaq. Ancaq dəqiq tarix yoxdur”.
QÜTB.AZ xəbər verir ki, bu barədə Ukrayna Prezidenti Volodimir Zelenski “Suspilnı”ya müsahibəsində bildirib.
Zelenskinin sözlərinə görə, onunla Tramp arasında konstruktiv qarşılıqlı əlaqə inkişaf edib. “Trampın bizim mövqeyimizə qarşı heç nə eşitməmişəm”, - deyə Prezident qeyd edib.
Dövlət başçısı Trampın Ukraynaya Rusiya ilə danışıqlarda iştirak tələbini təqdim edib-etmədiyini də bildirib.
“Biz müstəqil ölkəyik və bu müharibə zamanı həm xalqımız, həm də mən şəxsən Tramp, Bayden və Avropa liderləri ilə apardığımız danışıqlarda sübut etdik ki, bizimlə “otur və qulaq as” ritorikası işlək deyil”, - deyə Zelenski vurğulayıb.
