ABŞ-ın seçilmiş prezidenti Donald Tramp və onun komandasının üzvləri qeyri-qanuni miqrasiyaya qarşı mübarizənin effektivliyini artırmaq məqsədilə ABŞ-da fövqəladə vəziyyət elan etməyə hazırlaşır.
QÜTB.AZ xəbər verir ki, bu barədə “Politico” mənbələrə istinadən yazıb.
Məqalədə deyilir ki, "bu, sərhədləri qorumaq, eləcə də milyonlarla qeyri-qanuni miqrantı deportasiya etmək vədini yerinə yetirmək üçün əlavə səlahiyyət və resurslar təmin etmək məqsədi daşıyan addımdır".
Nəşrin yazdığına görə, Tramp miqrasiyaya qarşı mübarizə üçün eyni anda bir neçə fərman vermək, həmçinin ABŞ vətəndaşlığını doğuşdan əldə etmək hüququnu ləğv etmək istəyir. Qeyd olunur ki, son addım Respublikaçılar Partiyasında birmənalı qarşılanmadığından böyük ehtimalla təxirə salınacaq.
Ləman
