Qazaxıstan Prezidenti Qasım-Jomart Tokayev 2024-cü il oktyabrın 6-da ölkədə atom elektrik stansiyasının (AES) tikintisi ilə bağlı referendumun keçirilməsi haqqında fərman imzalayıb.
QÜTB.AZ xəbər verir ki, bu barədə Qazaxıstan dövlət başçısının mətbuat xidməti məlumat yayıb.
“2024-cü il oktyabrın 6-da ölkədə referendum keçirilməsi haqqında fərman verirəm. Referendum aşağıdakı sual ilə bağlı olacaq: “Qazaxıstanda AES tikintisi ilə razısınızmı?”, - fərmanda deyilir.
Qeyd olunur ki, ölkə hökumətinə Mərkəzi Seçki Komissiyası, digər mərkəzi dövlət və yerli icra hakimiyyəti orqanları ilə birlikdə zəruri tədbirlər görmək tapşırılıb.
