04.04.25 | Bakı 12.03° C |
10:06:25
Lent :

Tramp İrana görə Putindən XAHİŞ EDİB

04 mar 2025 17:00
DÜNYA
ads

ABŞ prezidenti Donald Trampın administrasiyası Rusiya Federasiyasından İranın nüvə proqramı kimi məsələlərdə onunla ünsiyyətdə vasitəçi kimi çıxış etməsini istəyib.

Qutb.az xəbər verir ki, bu barədə “Bloomberg” agentliyi məlumat yayıb.

Nəşrin yazdığına görə, Tramp fevral ayında telefon danışığında bu marağı birbaşa Putinə çatdırıb. Tramp administrasiyasının yüksək rütbəli rəsmiləri daha sonra Səudiyyə Ərəbistanındakı danışıqlarda rusiyalı həmkarları ilə məsələni müzakirə ediblər.

Kremlin sözçüsü Dmitri Peskov “Bloomberg”in sualına cavab olaraq deyib:

"Rusiya hesab edir ki, ABŞ və İran bütün problemləri danışıqlar yolu ilə həll etməlidir. Moskva buna nail olmaq üçün əlindən gələni etməyə hazırdır".

İran Xarici İşlər Nazirliyinin nümayəndəsi isə Rusiyanın Tehran və Vaşinqton arasında vasitəçilik təklif edib-etmədiyinə dair sualı cavablandırarkən deyib ki, ölkələrin yardım təklif etməsi təbiidir.

“Bu məsələlərin vacibliyini nəzərə alsaq, çox güman ki, bir çox tərəflər xoşməramlılıq nümayiş etdirəcək və müxtəlif problemlərin həllində köməklik göstərəcək. Bu nöqteyi-nəzərdən, lazım gələrsə, ölkələrin yardım təklif etməsi təbiidir”, - deyə İran Xarici İşlər Nazirliyinin sözçüsü İsmail Baqai bildirib.

Teglər
Müəllif : Sadıq Abdullayev
Yorum yazın
Yorum yoxdur. İlk yazan siz olun
Səsvermə
Saytımızı bəyəndiniz?
149 səslər
Aktual videolar
Bizi izlə
Reklam
ads
Qarışıq xəbərlər
Hava durumu
Bakı
12.03° C
Təqvim
Valyutalar
Teglər

Qutb.az

© 2022 - Bütün müəllif hüquqları qorunur