“Ağ Evdə yüksək səviyyəli qonaqlar - Ukrayna prezidenti Vladimir Zelenski, Fransa prezidenti Emmanuel Makron, Finlandiya prezidenti Aleksandr Stubb, İtaliyanın baş naziri Giorgia Meloni, Böyük Britaniyanın baş naziri Key Starmer, Almaniya kansleri Fridrix Merz, Avropa Komissiyasının sədri Ursula fon der Leyen və NATO-nun baş katibi Mark Rutte ilə çox məhsuldar görüş keçirdim”.

Qutb.az-ın məlumatına görə, bunu ABŞ prezidenti Tramp sosial şəbəkədə yazıb.

"Görüş zamanı biz Ukrayna üçün müxtəlif Avropa ölkələrinin ABŞ-la koordinasiyalı şəkildə təmin edəcəyi təhlükəsizlik təminatlarını müzakirə etdik. Hər kəs Rusiya və Ukrayna arasında sülh əldə olunmasının mümkünlüyünə çox sevinir. Görüşlərdən sonra mən prezident Putinə zəng vurdum və təyin olunan yerdə prezident Putinlə prezident Zelenski arasında görüş üçün hazırlıqlara başladım. Bu toplantıdan sonra üçtərəfli görüş keçirəcəyik. Demək olar ki, dörd ildir davam edən müharibədə çox yaxşı ilk addım idi, vitse-prezident Vens, dövlət katibi Rubio və xüsusi elçi Vitkoff öz hərəkətlərini Rusiya və Ukrayna ilə əlaqələndirirlər”.