"Mançester Siti"nin baş məşqçisi Pep Qvardiola İngiltərə Kubokunun 1/16 finalında "Tottenhem"ə qarşı keçirdikləri oyunu (1:0) şərh edib.

Publika.az xəbər verir ki, Qvardiola Kloppun mövsümün sonunda “Liverpul”dan ayrılacağı xəbərinədə reaksiya verib.

“Statistikaya və oyun tərzimizə görə mən çox məmnunam. Bu gün inanılmaz dərəcədə yaxşı çıxış etdik. 1-ci dəqiqədən 90+5-ci dəqiqəyə kimi hər şey məni sevindirdi. Biz titulu qorumağa çalışırıq və burada oynamaq çətindir. Biz hər oyunda çox şey yaradırıq və topla və ya topsuz cəsarət nümayiş etdiririk, buna görə də çox razıyam.

Klopp mövsümün sonunda "Liverpul"u tərk edəcəkmi? O, tamamilə inanılmaz məşqçidir. Həm də inanılmaz insandır. Məndə elə bir hiss var ki, o, təkcə “Liverpul”u yox, həm də bizi – “Mançester Siti”ni tərk edir. Çünki bu illər ərzində “Liverpul” bizim əsas rəqibimiz idi.

Premyer Liqa onun üçün darıxacaq, şəxsən mən onun üçün darıxacağam. Amma həm də sevinirəm, çünki o olmasa, “Liverpul”la oyundan əvvəlki gecə bir az daha yaxşı yatacam! Amma ona ən yaxşısını arzulayıram. O, bunu etiraf etməyəcək, amma geri qayıdacaq.

Bütün məşqçilər uzun illər çalışdıqdan sonra yorğunluq hiss edirlər, mən bunu hiss edirəm. Mən bunu “Barselona”da hiss etdim, ona görə də bunu tam başa düşürəm”.