Prod by XSON
Xəstəxanada müalicəsi davam edən Roma Katolik Kilsəsinin rəhbəri Papa Fransisk bu gün iki dəfə kəskin tənəffüs çatışmazlığından əziyyət çəkib.
Qutb.az xəbər verir ki, bu barədə Müqəddəs Taxt-Tacın mətbuat xidməti məlumat yayıb.
“Kəskin tənəffüs çatışmazlığı pontifikin bronxlarında əhəmiyyətli miqdarda mukus yığılması və bununla əlaqədar bronxospazm olması nəticəsində baş verib. Buna görə də iki bronxoskopiya aparılıb. Mexaniki ventilyasiya yenidən bərpa edilib. Papa bu proseslər zamanı həmişə aşıq olub. Klinik mənzərə mürəkkəb olduğundan həkimlər xəstəliyin gedişatına ehtiyatlı yanaşırlar”, - deyə məlumatda bildirilir.
Xatırladaq ki, fevralın 14-dən etibarən Romadakı “Gemelli” xəstəxanasına yerləşdirilən 88 yaşlı Fransiskə polimikrob infeksiyası və ikitərəfli pnevmoniya diaqnozu qoyulub.
