İyunun sonunda terrorçu icma yaratdıqlarına görə həbs edilən Kaspiysk şəhərinin üç sakini molotov kokteyli ilə pravoslav kilsəsinə hücum etməyi planlaşdırıb.

QÜTB.AZ xəbər verir ki, Dağıstandakı terror aktının hazırlanmasının təfərrüatlarını “Kommersant” istintaq məlumatlarına istinadən dərc edib.

Bildirilir ki, hücum edən üç nəfərdən ikisi - 22 yaşlı Hüseyn Abdullayev və 19 yaşlı Məhəmməd Ramazanov Kaspiyskdəki "Magic Trans" nəqliyyat şirkətinin anbarında yükləyici işləyiblər. Onlar “Əhli-Sünnə vəl-Cəmaa” (Rusiyada terrorçu kimi tanınan və qadağan olunmuş) dini hərəkatının tərəfdarları olmaqla, kafirlərə və “qanunsuz” təhlükəsizlik qüvvələrinə qarşı zorakı üsullarla mübarizəyə başlamaq qərarına gəliblər. İyunun ortalarında Ramazanovla Abdullayev Mahaçqala və Dərbənddə baş verən terror aktlarından sonra hərəkətə keçmək qərarına gəliblər.

Yaraqlılar əvvəllər məhkum olunmuş, eyni şirkətdə işləyən və radikal fikirdə olan 34 yaşlı Rəşid Karibovu onıarla birlikdə bomba və bıçaqla Kaspiyskdə “aksiya” təşkil etmək üçün cəlb ediblər. Bomba və bıçaq qrup üzvləri tərəfindən əvvəlcədən alınıb, bomba üçün komponentlər isə texniki təchizat mağazalarından əldə edilib. Əvvəlcə hücum edənlər Kazan Anasının İkonu kilsəsində və ya təhlükəsizlik qüvvələrinin toplaşacağı hər hansı yerdə partlayış törətmək qərarına gəliblər. CCTV kameralarının və hüquq-mühafizə orqanlarının əməkdaşlarının nəqliyyat vasitələrinin yerini öyrənən yaraqlılar başqa plan üzərində qərarlaşıblar - evdə hazırlanmış bomba, Molotov kokteyli və travmatik tapança ilə kilsənin hasarına dırmaşmaq.

Lakin iyulun 26-da hər üçü saxlanılandan sonra onların planları pozulub. Bir neçə gün sonra məhkəmə onları terror icması yaratmaqda, qanunsuz olaraq partlayıcı qurğu yaratmaqda və terror aktına hazırlaşmaqda şübhəli bilərək həbs cəzasına məhkum edib.

Adəm Abbaslı