Qərbi Afrika ölkəsi Qanada vəba epidemiyası səbəbindən ölənlərin sayı 40-a yüksəlib.
QÜTB.AZ xəbər verir ki, Qana Səhiyyə Xidmətlərinin məlumatına görə, vəba epidemiyası 2024-cü ilin oktyabr ayından etibarən ölkənin 5 vilayətinə yayılıb.
Açıqlamada bu vilayətlərdə 4 min 850 şübhəli vəba hadisəsinin görüldüyü, həyatını itirənlərin sayının 40-a yüksəldiyi bildirilib.
Hökumətin epidemiyaya qarşı peyvənd kampaniyalarını davam etdirdiyi vurğulanıb. Paytaxt Akkrada epidemiya səbəbiylə 41 nəfər müalicə olunur.
Qida və su ilə ötürülən “vibrio” bakteriyalarının yaratdığı vəba xəstəliyi ishala, beləliklə də orqanizmdə susuzluğa səbəb olur. Xəstəlik müalicə olunmazsa ölümcül ola bilər.
Aysel Şahmar
