4 may Azərbaycan Ordusunun çavuşu, hərbi feldşer, şəhid Arəstə Baxışovanın doğum günüdür.

QÜTB.AZ xəbər verir ki, O,  1989 cu ildə Xaçmazın Qımılqışlaq kəndində dünyaya göz açıb. 

Arəstə Baxışova 2018–2019-cu illərdə Azərbaycan Silahlı Qüvvələrinin Mərkəzi Hərbi Klinik Hospitalında tibbi statist olaraq çalışıb.

O, 2 ci Qarabağ müharibəsi başlayanda könüllü olaraq cəbhəyə yollanıb. Füzuli, Zəngilan və Qubadlının azadlığı uğrunda gedən döyüşlərdə yaralı hərbçilərə döyüş meydanındaca tibbi yardım göstərib. Arəstə Baxışova Oktyabrın 23-də Qubadlı döyüşləri zamanı şəhid olub və Biləcəri Şəhidlər Xiyabanında dəfn edilib.

Ölümündən sonra “Vətən uğrunda” və “Florens Naytinqeyl” medallarına layiq görülən Arəstə Baxışova Vətən müharibəsində yeganə qadın şəhiddir.