Mayamidə anadangəlmə kor olan 14 yaşlı Antonio Vento Carvajalın aylarla davam edən göz damcıları ilə təmin edilən gen terapiyası nəticəsində ilk dəfə görmə qabiliyyətini bərpa etməsi milyonlarla insana ümid bəxş edib.

Publika.az xəbər verir ki, ABŞ-da anadangəlmə kor uşaq üzərində sınaqdan keçirilmiş gen terapiyası sayəsində görmə qabiliyyəti bərpa edilib.

Həkim Alfonso Sabater tərəfindən tətbiq edilən gen terapiyası üsulu ilə sağlam görmə qabiliyyəti, eyni üsulun dünyada genetik problemlər səbəbiylə doğulan kor insanlara da tətbiq oluna biləcəyi sualını gündəmə gətirib.

Bütün bədənində və gözlərində qabarcıqlara səbəb olan çox nadir genetik xəstəlik olan “distrofik epidermoliz büllozası” ilk dəfə klinik sınaqdan keçirilib.

Həkim dəri lezyonlarını müalicə etmək üçün eksperimental gen terapiyasına ehtiyac olduğunu qeyd edib. Buna görə də dərman istehsalçısı "Krystal Biotech" ilə əlaqə saxlayıb.

Pittsburqda yerləşən "Krystal Biotech" şirkətinin həmtəsisçisi, tədqiqat və inkişaf şöbəsinin rəhbəri Suma Krişnan bu təklifin məntiqli olduğunu düşünüb və layihəyə yaşıl işıq yandırıb.

Aysel Şahmar