Ötən gün doğum gününü qeyd edən Rusiya lideri Vladimir Putin Türkiyə Prezidenti Rəcəb Tayyib Ərdoğandan hədiyyə alıb.
QÜTB.AZ xəbər verir ki, bu barədə məlumatı Rusiya prezidentinin beynəlxalq məsələlər üzrə köməkçisi Yuriy Uşakov açıqlayıb.
“Türkiyə prezidenti dünənki telefon danışığından əvvəl xüsusi olaraq hədiyyə göndərib”, - deyə Uşakov qeyd edib.
O, Ərdoğanın Putinə “yaxşı türk hədiyyəsi” göndərdiyini vurğulayıb.
Uşakov hədiyyənin dəyərinin dövlət qulluqçuları üçün icazə verilən 3000 rubldan bir qədər çox olduğunu bildirib.
Xatırladaq ki, oktyabrın 7-də Putinin 72 yaşı tamam olub.
Ötən gün tərəflər arasında baş tutan telefon danışığı zamanı Ərdoğan rusiyalı həmkarının ad gününü təbrik edib.
