Piylənmə beyinə üçqat zərbə vurur: iltihabı təhrik edir, qoruyucu molekulların istehsalını azaldır və bağırsaq mikrobiotasının sağlamlığını pisləşdirir.

Publika.az xəbər verir ki, bu barədə aif.ru-ya Rusiya Federal Tibbi-Biologiya Agentliyinin Federal Elmi-Klinik Mərkəzinin Lisansüstü Təhsil Akademiyasının terapiya, geriatriya və qocalma əleyhinə tibb kafedrasının dosenti Elvira Fesenko məlumat verib.

"Ekserkinlər epitel hüceyrələri tərəfindən qan damarlarının divarında, ağciyərlərdə, qaraciyərdə, yağ toxumasında istehsal olunan və bədən tərbiyəsinin çoxsaylı müsbət təsirlərinə töhfə verən molekullar qrupudur", - həkim deyib.

O əlavə edib ki, piylənmə nəticəsində fiziki fəaliyyət səviyyəsinin azalması ekserkin istehsalının azalmasına səbəb olur:

"O, həmçinin bağırsaqlarınızdakı bakteriyaları pisləşdirir, bu da beyin sağlamlığı ilə sıx bağlıdır.

Piylənmə, hipokampus, beyin qabığı, beyin sapı və amigdala da daxil olmaqla beyin strukturlarına təsir edə bilən sistemik iltihabı təşviq edir. Buna görə demensiyanın inkişaf riski artır".

Hüseyn İbadlı