Süni intellekt artıq texnologiya deyil, insan məsələsidir

Asif Mirzəzadə süni intellektin (Sİ) son illərdə gündəlik həyata, iş yerlərinə və qərar qəbuletmə proseslərinə göstərdiyi təsir haqqında mövqeyini bölüşüb. Onun fikrincə, müzakirənin mərkəzi artıq texnologiyanın özü deyil, onun işçilərə, sahibkarlara və istehlakçılara necə təsir etdiyidir.

"Bir neçə il əvvəl Sİ mühəndislərin alətiydi. Bu gün o, hər bir işçinin gündəlik iş prosesinin bir hissəsinə çevrilib," deyə bildirib. "Sual artıq "Sİ-dən istifadə edəcəyikmi" deyil, "onunla necə işləməyi öyrənəcəyik" sualıdır. İşin təbiəti dəyişir, işçi sayı deyil. Ona görə də, real risk kütləvi işdən çıxarma deyil, bacarıqların yenidən formalaşmasıdır.

Yerli bazarlar da kənarda qalmır. Azərbaycan kimi inkişaf edən IT bazarlarında süni intellekti mənimsəmə sürəti əgər indi düzgün istiqamətləndirilməsə, regional rəqabət qabiliyyətinə birbaşa təsir edəcək amilə çevrilə bilər. İnsan amili hələ də mərkəzdədir". Mirzəzadəyə görə, ən uğurlu komandalar süni intellekti əvəzedici deyil, gücləndirici alət kimi görən komandalardır.

"Texnologiya sürətlə inkişaf edir, amma insanların ona uyğunlaşma sürəti bunu müəyyən edəcək amildir. Süni intellektlə ilə bağlı ən böyük səhv onu gözləməkdir. Növbəti 5-7 il ərzində uğur qazanan şirkətlər, bu gün öyrənməyə başlayanlar olacaq" deyə o əlavə edib.