Donald Tramp üç iri media qurumunun Ağ Evə girişini qadağan etdi
Qütb az
Təsdiqləndi
Tramp CNN, MS NOW və Politico KİV-lərini "saxta və yalan xəbərlər yaymaqda" günahlandıraraq onların Ağ Evə girişini qadağan edib. O, bu qərarın konkret bir hadisəyə görə deyil, son illərin xəbərlərinə əsasən verildiyini bildirib və analoji addımların gələcəkdə New York Times və Washington Post kimi digər media qurumlarına da tətbiq oluna biləcəyini vurğulayıb.
ABŞ Prezidenti Donald Tramp cümə günü üç iri xəbər mediasının – “CNN”, “MS NOW” və “Politico”nun Ağ Evə girişini qadağan etdiyini bildirib.
Qütb.az xəbər verir ki, Prezident Tramp sosial şəbəkələrdəki paylaşımında bu media qurumlarını “saxta xəbərlər yaymaqda” ittiham edib. Bildirib ki, onlar “Amerika Birləşmiş Ştatları prezidentinin fəaliyyətini işıqlandırarkən daim uydurma və yalan məlumatlar yazmamalı və yaymamalıdırlar”. Tramp əlavə edib: “Digər saxta media qurumlarını da eyni aqibət gözləyir”.
Donald Tramp qadağaya səbəb olan konkret hər hansı hadisənin baş vermədiyini bildirib. “Bu, sadəcə, son bir neçə il ərzində dərc olunan xəbərlərin məcmusudur”, - deyə o, Oval kabinetdə jurnalistlərə söyləyib.
“Digər media qurumlarını da eyni aqibət gözləyir” ifadəsində hansı qurumların nəzərdə tutulduğu soruşulduqda, Tramp “saxta xəbər” adlandırdığı “New York Times” və “Washington Post” nəşrlərinin adlarını çəkib.