"Real" azarkeşləri "Barselona"nın hücumçusu Lamin Yamalı təhqir etdiyinə görə sanksiya ilə üzləşiblər.

QÜTB.AZ xəbər verir ki, bu barədə “Diario Sport” məlumat yayıb.

İdmanda zorakılıq, irqçilik, ksenofobiya və dözümsüzlüklə mübarizə üzrə hökumət komissiyası 2 azarkeşin 5000 avro cərimələnməsini və 1 il müddətinə stadionlara buraxılmamasına qərar verib.

Rəqib oyunçulara qarşı irqçi təhqirlər səsləndirən daha 2 azarkeş 4000 avro cərimələnib. Onları da 1 illik qadağa gözləyir.

Stadiondan kənarda polisin işinə müdaxilə edən və rəqib oyunçuları təhqir edən daha bir neçə fanat da 3000 avro cərimə oluna bilər. Onlara digərlərindən fərqli olaraq, 6 ay müddətinə stadionlara giriş qadağan oluna bilər.

Qeyd edək ki, noyabrın sonunda Madrid klubunun azarkeşi həbs edilib. Onlardan biri azyaşlı olub.

Xatırladaq ki, "Barselona" La Liqanın 11-ci turunda "Santyaqo Bernabeu"da "Real"ı darmadağın edib - 4:0. Buraxılan üçüncü qoldan sonra bəzi tamaşaçılar 17 yaşlı Yamalı təhqir etməyə başlayıblar.

Qutb