ABŞ öz ordusunu Ukraynaya göndərməyəcək.

Publika.az "Reuters"ə istinadla xəbər verir ki, bu barədə Ağ Evin Milli Təhlükəsizlik Şurasının mətbuat katibi Adrienne Vatson məlumat verib.

"Prezident Bayden ABŞ-ın Ukraynaya qoşun göndərməyəcəyini açıq şəkildə söylədi", - o deyib.

Bundan əvvəl Slovakiyanın baş naziri Robert Fiko bəzi NATO və Aİ ölkələrinin Ukraynaya öz ordusunu göndərmək planlarından danışıb. O qeyd edib ki, Qərb siyasətçilərinin Parisdəki konfransda müzakirə etdikləri mövzular “ürəkləri ürpədir”.

Bundan əlavə, Parisdə Ukraynaya dəstək konfransında Fransa Prezidenti Emmanuel Makron Aİ ölkələrindən qoşunların Ukraynaya gedə biləcəyini bildirib. Onun sözlərinə görə, quru qoşunlarının göndərilməsi ilə bağlı konsensus hələ rəsmi olaraq əldə olunmayıb, lakin heç nəyi istisna etmək olmaz.

Hüseyn İbadlı