Avstraliyalı döyüşçü Aleksandr Volkanovski UFC 298 turnirinin əsas görüşündə gürcü əsilli ispan İliya Topuriyaya uduzub.
Publika.az xəbər verir ki, görüş ikinci raundda nokautla başa çatıb. Volkanovski UFC yarımyüngül çəkidə titulunu Topuriyaya uduzub.
35 yaşlı Volkanovskinin hesabında indi 26 qələbə və 4 məğlubiyyət var. 2023-cü ilin oktyabrında keçirilən əvvəlki döyüşdə o, rusiyalı İslam Maxaçev tərəfindən nokaut edilmişdi.
27 yaşlı Topuriya ilk dəfə UFC kəmərini qazanıb. Ümumilikdə onun yeddisi UFC-də olmaqla 15 peşəkar döyüşdə 15 qələbəsi var.
