Türkiyəli həkim Afşin Emre Kayıpmaz infeksiyaya yoluxmuş xəstələrin sistemlərdən istifadə etməsinin allergiyaya səbəb ola biləcəyini deyib.

Publika.az xəbər verir ki, Etlik Şəhər Xəstəxanası Baş həkim müavini Dos. Dr. Afşin Emre Kayıpmaz havalar soyuduqca tənəffüs yolu infeksiyalarının artdığını açıqlayıb:

“Ancaq bunun böyük əksəriyyəti ambulator xəstələrdən ibarətdir. Xüsusən də təcili yardıma müraciətlər pik həddə çatıb. Hazırda müraciətlərin sayı nisbətən azalıb və vəziyyət stabildir. Tənəffüs yolu infeksiyalarında dövri artım və azalmalar son dərəcə normaldır”.

Kayıpmaz həkimlərin tövsiyəsi olmadan antibiotik istifadəsindən çəkinmək lazım olduğunu vurğulayıb:

“Xəstələr qızdırmasalıcı sistemlər üçün, hətta bu sistemlərə müxtəlif vitaminlərin əlavə edilməsi xahişi ilə təcili yardıma müraciət edirlər. Halbuki sistem duzlu su deyə biləcəyimiz mayedir və onun xəstəliklərin müalicəsində heç bir təsiri yoxdur. Ev şəraitində qəbul edilə bilən ağrıkəsicilər və qızdırmasalıcı dərmanlar da bu məqsədə xidmət edir. Bu vasitələrin qəbulu ciddi allergik reaksiyaya səbəb ola bilər".

O, xəstəliklərdən qorunmaq üçün balanslı qidalanma, bol su istehlakı və nizamlı yuxunun vacib olduğunu bildirib.

Roza Şəfiyeva