Niderland millisinin sabiq futbolçusu Uesli Sneyder böyük narkotik dövriyyəsi və çirkli pulların yuyulması işində iştirak edir.

Publika.az xəbər veirr ki, bu bardədə RTL məlumat yayıb.

"Qalatasaray"ın əfsanəsinin çirkli pulların yuyulmasında iştirak etdiyi iddia edilən Türkiyəyə məxsus şirkətin ortağı olduğu bildirilir. “Econ” daşınmaz əmlak şirkəti “Comanchero” beynəlxalq cinayət qrupunun fəaliyyəti ilə bağlı təhqiqatda iştirak edir. Ötən ilin noyabrında polis İstanbulda bu dəstəni saxlayıb.

"Comanchero" külli miqdarda narkotik istehsalı və ticarəti ilə məşğul olan, həmçinin Türkiyədən çirkli pulların yuyulmasında iştirak edən avstraliyalı motosiklet dəstəsi olub. Narkotiklər Cənubi Amerikadan Honq-Konq, Cənubi Koreya və Cənubi Afrikadan keçərək Niderland, Avstraliya və digər ölkələrə gətirilib.

Türkiyə mediası Maliyyə Cinayətləri İstintaq Bölməsindən "Comanchero"nun "beynəlxalq miqyasda narkotik istehsal və alqı-satqısı" və "cinayət yolu ilə əldə edilmiş pul və malları necə yuduğunu" əks etdirən təfərrüatlı bir hesabat əldə edib.

Türkiyəli müstəntiqlər isə yaxın mənbə Sneyderin istintaqda iştirak etdiyini təsdiqləyib.

Heybət