“Spartak” “Qalatasaray”ın baş məşqçisi Okan Buruka iki illik müqavilə təklif edib .
Publika.az xəbər verir ki, bu barədə “Yeni Əsr” yazıb.
Mənbənin məlumatına görə, Moskva klubu 50 yaşlı türkiyəli mütəxəssisə vergilərdən əvvəl illik 2,5 milyon avro maaşla müqavilə təklif edir. Ümumilikdə, bonuslar və idman nailiyyətləri nəzərə alınmaqla, Buruk iki il ərzində 7,5 milyon avro qazana bilər.
Burukun “qırmızı-ağ”ların təklifinə müsbət cavab verdiyi və “Qalatasaray”ın hazırda Türkiyədə çempionluq mübarizəsi apardığı üçün Moskva klubundan ona cavab vermək üçün vaxt istəyib.
Xatırladaq ki, Buruk 2022-ci ilin yayından Türkiyə klubuna rəhbərlik edir. Bu müddətdə onun rəhbərliyi altında komanda bütün turnirlərdə 89 oyun keçirib, 68 dəfə qalib gəlib, 10 dəfə heç-heçə edib, 11 dəfə məğlubiyyətlə üzləşib.
