Premyer Liqa rəhbərliyi "Mançester Siti"ni ciddi şəkildə cəzalandıra bilər.

Publika.az xəbər verir ki, bu barədə liqanın rəhbəri Riçard Masters açıqlama verib. O, 2009/10 və 2017/18 mövsümləri arasında maliyyə feyr-pleyi qaydalarının pozulması ilə bağlı araşdırmalar aparılmasına qərar verildiyini bildirib. Funksioner 115 fakt üzrə yoxlamaların getdiyini qeyd edib.

Masters böyük ictimai marağa baxmayaraq, yekun qərarın açıqlanacağı vaxtı bildiriməyib. Həddindən artıq olan təzyiqin onlara yalnız mane olacağını söyləyib.

İngiltərə mətbuatında "Siti"ni gözləyən cəzalarla bağlı yazılar dərc olunur. Araşdırmalarından sonra Mançester təmsilçisinin qaydaları pozduğu aşkarlanarsa, üç çempionluq titulundan məhrum edilməklə yanaşı, klub Premyer Liqadan Çempionşipə göndərilə bilər. Pozuntuların ağırlığı yüksək olarsa, "Siti"nin peşəkar futbol liqalarından uzaqlaşdırılma ehtimalı da var.

Yekun qərarın 2024/25 mövsümünün sonundan tez verilməyəcəyi bildirilir.

Heybət