Böyük Britaniya taxt-tacının varisi olan şahzadə Uilyam uzun illər "Aston Villa"nın pərəstişkarı olub.

QÜTB.AZ xəbər verir ki, o, Çempionlar Liqasında ilk ev oyunu ərəfəsində sevimli futbol komandasına baş çəkib. Şahzadə ilə görüş Birmingem təmsilçisinə düşərli olub. Komanda "Bayern"i 1:0 hesabı ilə məğlub edib.

Şahdzadə Uilyam komandaya 1982-ci ildə Avropa kubokunu qazandıran əfsanələri 42 ildən sonra bir araya gətirib və bununla bağlı sosial şəbəkələrdə paylaşım edib: “Biz hamımız yeni Avropa macərasına hazırıq”.

Uilyam "Aston Villa"nı təsadüfən dəstəkləməyə başladığını söyləyib. Gələcək kralın dediyinə görə, bütün dostları “Mançester Yunayted”i və digər məşhur komandaların fanatıdır. Şahzadə fərqlənmək və daha az populyar və uğurlu klubu diqqətdə saxlamaq istəyib.

Qeyd edək ki, şahdzadə "Bayern" ilə görüşü dostları ilə birlikdə canlı izləyib və komandanın qələbəsini çılğın şəkildə qeyd edib.

Qutb