“Tottenhem”in və Uruqvay millisinin yarımmüdafiəçisi Rodriqo Bentakur komanda yoldaşı Son Hın-Min haqqında zarafat etdiyinə görə 7 oyunluq cəzalanıb və 100 min funt-sterlinq cərimə olunub.
QÜTB.AZ xəbər verir ki, yayda sosial şəbəkələrdə Bentakurdan Son Hın-Minin formasının istəndiyi bir video yayımlanıb. “Sib? Bu həm də onun əmisi oğlunun köynəyi ola bilər. Hamısı eyni görünür”, – deyə Rodriqo cavab verib.
Uruqvaylı daha sonra koreyalı komanda yoldaşından üzr istəyib.
Cari İngiltərə Premyer Liqasının (APL) 10 matçında Rodriqo Bentakur 1 qol vurub. Futbolçunun “Tottenhem”lə hazırkı müqaviləsi 2024/25 mövsümünün sonuna qədərdir. “Transfermarkt” portalı 27 yaşlı uruqvaylının dəyərini 35 milyon avro qiymətləndirir.
