“Real” “Lill”in 18 yaşlı mərkəz müdafiəçisi Leni Yoro ilə maraqlanır.
Publika.az xəbər verir ki, bu barədə “Marca” məlumat yayıb.
“Los Blankos” əvvəlcə oyunçunu 2025-ci ildə almağı planlaşdırırdı. Lakin müdafiənin mərkəzinə ciddi təsir edən zədə epidemiyası klub rəhbərliyini indi bu məsələni həll etməyə məcbur edib.
Fransa təmsilçisi istedadını ucuza satmaq fikrində deyil. “Lill” Leniyə 60 milyon avro qiymət etiketi qoyublar. Lakin Madrid klubu bu transfer qiymətini həddindən artıq yüksək hesab edir.
Əlavə edək ki, Yoro bu mövsüm “Lill”in heyətində bütün yarışlarda 26 oyun keçirib və 3 qol vurub.
