"Qalatasaray"ın sabiq futbolçusu İosif Rotariunun həyat yoldaşı Dana xərçəng xəstəliyindən dünyasını dəyişib.

Publika.az xəbər verir ki, o, mayın 26-da vəfat edib.

Ötən il Türkiyədə kimyaterapiya və iki əməliyyat keçirən, iki yoğun bağırsağın şişi çıxarılan Dana Rotariu xəstəliyə qalib gələ bilməyib, xərçəng ağciyərinə keçib.

Rumıniya millisinin əfsanəvi futbolçusu bildirib ki, şənbə günü axşam həyat yoldaşı ona "Uşaqların qayğısına qal" deyib. "Birlikdə yatdıq, saat 5-də oyandım və o öldü. Gecə çox pis keçdi", - deyə Rotariu bildirib.

Rotariu ailəsinin həyatının son 15 ili xəstəxanalarda keçib. Dana xərçənglə mübarizə apararkən nənəsi tərəfindən pis rəftar edilən Kassandra adlı kiçik qızı övladlığa götürüb. Azyaşlı qız bu müddət ərzində təxminən 50 dəfə əməliyyat olunub. Rotariu cütlüyü 3 yaşından şəkər xəstəsi olan Kristian adlı başqa bir uşağı da övladlığa götürüb. O, həyatına insulin pompası ilə davam edir. Cütlüyün Romina və Roberto adlı daha iki övladı da var.

Qeyd edək ki, İosif Rotariu 1990-cı ilin yayında Buxarestin "Styaua" klubundan "Qalatasaray"a transfer olunub. 2 ildən sonra “Bakırköyspor”a keçib və daha sonra ölkəsinə qayıdıb.

Heybət