Antonio Konte "Çelsi"yə qayıda bilər.
Publika.az xəbər verir ki, bu barədə “La Repubblica” məlumat yayıb.
Mənbənin sözlərinə görə, klub 2016-2018-ci illərdə komandaya rəhbərlik etmiş italiyalı mütəxəssislə artıq əlaqə saxlayıb. Bu, Kontenin xidmətlərini London klubuna təklif etməsindən sonra baş tutub.
Qeyd olunur ki, ilk təmaslar məhsuldar alınıb. "Mavilər"in ortaq sahibi Todd Bouli Konte üçün yaxşı maliyyə şəraiti yaratmağa hazırdır.
54 yaşlı məşqçinin son iş yeri 2023-cü ilin martında tərk etdiyi "Tottenhem" olub.
Qeyd edək ki, hazırda Maurisio Poçettinonun rəhbərliyi altında "Çelsi" Premyer Liqanın turnir cədvəlində 8-ci yerdədir. Komanda avrokubok zonasından 3 xal geri qalır.
Heybət
