"Mançester Yunayted"in və Fransa millisinin sabiq futbolçusu Lui Saha maraqlı açıqlama verib.

Publika.az xəbər verir ki, o, indi dövrün ən yaxşı hücumçuları hesab edilən Kilian Mbappe və Erlinq Haalandın Kriştiano Ronaldo və Lionel Messinin uğurların nail ola bilməyəcəklərini bildirib:

"Mən tamamilə başa düşürəm ki, dünyada niyə bu qədər Lionel Messi fanatı var və mən və bir çox başqa insanlar niyə Krşstiano Ronaldonun azarkeşiyik. Onlar iki inanılmaz istedaddır. Messi anadangəlmə dahidir, ən yaxşı olmaq üçün oyununu boyu və ölçüsünə uyğunlaşdırmalı idi. Ronaldo boyu və gücündən istifadə edərək 900-dən çox qol vurdu. İki fərqli üslub və keyfiyyətə malik iki fərqli oyunçudur.

Onlar öz potensiallarını aşmış iki oyunçudur. Daha çox şey istəmək mümkün deyil. Artıq belə bir şey görməyəcəksiniz. Mümkündür ki, Erlinq Haaland və Kilian Mbappe 10 il ərzində üz-üzə gələ bilsələr də, onlar heç vaxt Messi və Ronaldonun böyüklüyünə çata bilməyəcəklər. Əgər onlar bunu istəyirlərsə, karyeralarının qalan hissəsi üçün bir mövsümdə 50 qol vurmalıdırlar. Bu mümkün deyil”.

Heybət