"Liverpul"un keçmiş kapitanı Ceymi Karraqer sabiq komandasının durumu barədə danışıb.

Publika.az xəbər verir ki, o, Premyer Liqa matçında "Everton"a məğlubiyyətdən sonra (0:2) Yurgen Kloppun yetirmələrinin çempionluq perspektivinə inanmır:

“"Everton"un gecəsi idi, onlara diqqət yetirmək lazımdır. Əgər siz "Liverpul" azarkeşisinizsə, bunu qəbul etməlisiniz. Bu komanda üçün çempionluq yarışı bitdi. Bu, son kimi hiss olunur. Düşünürəm ki, komandaya və ya Kloppa qəzəblənməyin heç bir mənası yoxdur. Bu, böyük macəra idi".

Qeyd edək ki, son üç liqa matçından ikisini uduzan "qırmızılar" lider “Arsenal”dan üç xal geri qalır. Başqa bir rəqib “Mançester Siti”nin isə ehtiyatda iki oyunu var.

Əlavə edək k, mövsüm başa çatdıqdan sonra Klopp "Liverpul"un baş məşqçi postunu tərk edəcək.

Heybət