Səudiyyə Ərəbistanının “Əl-Hilal” klubunun braziliyalı hücumçusu Neymar sosial şəbəkələrdə Qətərin “Əl-Ərəbi” klubunda çıxış edən yarımmüdafiəçi Marko Verratti ilə birgə fotosunu yayımlayıb. Şəkil Yeni il şənliyində çəkilib.
QÜTB.AZ xəbər verir ki, Neymar şəklin altına “Andres İnyestadan sonra ən yaxşı oyunçu” yazıb.
Neymar 2023-cü ilin avqustunda “Əl-Hilal”a keçib. Futbolçunun əmək müqaviləsi 2025-ci ilin yayına kimi nəzərdə tutulub. “Transfermarkt” internet portalında verilən məlumata görə, 32 yaşlı hücumçunun bazar dəyəri 16 milyon avrodur.
