"Mançester Siti"nin və Belçika millisinin yarımmüdafiəçisi Kevin De Bruyne karyerasını Səudiyyə Ərəbistanında davam etdirə bilər.
Publika.az xəbər verir ki, insayder Rudi Qalettinin dediyinə görə, 33 yaşlı futbolçu "Əl-İttihad"la şifahi razılığa gəlib və transferə razılıq verib. Qeyd olunur ki, "Siti" belçikalını buraxmağa hazırdır. İndi klublar keçidin məbləğini razılaşdırmalıdırlar.
De Bruynenin "şəhərlilər"lə müqaviləsi 2025-ci ilin yayına kimi nəzərdə tutulub. "Transfermarkt" portalı futbolçunun dəyərini 50 milyon avro qiymətləndirir. Ötən mövsüm Kevin bütün turnirlərdə 26 matçda 6 qol vurub və 18 məhsuldar ötürmə edib.
Xatırladaq ki, "Əl-İttihad"da Kərim Benzema, N'Qolo Kante və Fabinyo kimi futbolçular çıxış edir.
Heybət
