"Mançester Siti"nin baş məşqçisi Pep Qvardiola komandanın yarımmüdafiəçisi Kevin De Bruynenin başqa kluba keçə biləcəyi ilə bağlı şaiyələrə münasibət bildirib.

Publika.az xəbər verir ki, o, iddiaların qismən doğru olduğunu etiraf edib:

“Bu, Kevinə aid bir sualdır. Mən onun qalmasını istəyərdim, amma bunun baş verəcəyini dəqiq deyə bilmərəm. Mən bəzi söz-söhbətlər eşitmişəm, amma konkret təklif olub-olmadığını bilmirəm. Səudiyyə Ərəbistanı klublarının onunla maraqlanıb-maraqlanmadığını bilmirəm. Mən Kevinin karyerasının sonuna qədər “Siti”də qalmasını istəyərdim, lakin hər kəsin öz planları var”.

Qeyd edək ki, bir müddət əvvəl İngiltərə mətbuatında "Siti"nin mövsümünü sonunda Kevin de Bruyneni 100 milyon funt sterlinq təklif gələcəyi halda satmağa razı olduğu barədə məlumat yayılıb. Ən azı 2 Səudiyyə Ərəbistanı klubunun belçikalı futbolçunun xidmətində maraqlı olduğu bildirilir.

De Bruynenin Mançester təmsilçisi ilə müqaviləsi 2025-ci ilin yayında başa çatır.

Heybət