Sosial şəbəkədə Bakının Suraxanı rayonu, 317 nömrəli tam orta məktəbində müəllimin şagirdlərlə kobud davranışına dair görüntülər yayılıb.
Publika.az xəbər verir ki, görüntülərdən aydın olur ki, 1-ci sinif şagirdlərinə dərs deyən müəllim onlarla kobud davranır və nalayiq ifadələr işlədir.
317 nömrəli tam orta məktəblə əlaqə saxladıq. Məktəbdən faktı təsdiqlədilər. Həmçinin təhsil ocağından bildirildi ki, hadisə ilə bağlı Bakı şəhəri üzrə Təhsil İdarəsinə məlumat verilib:
“Xahiş edirik ki, bütün məlumatları bizdən yox, onlardan soruşasınız”.
Bakı şəhəri üzrə Təhsil İdarəsi ilə əlaqə saxlamağa çalışsaq da, zənglərimiz cavabsız qaldı.
Aysel Şahmar
