"Mançester Siti"nin yarımmüdafiəçisi Cek Qriliş sosial şəbəkələrdə evinin qarət oluması ilə bağlı emosional paylaşım edib.

Publika.az xatırladır ki, oğrular futbolçunun qohumları evdə olarkən onun malikanəsindən 1 milyon funt sterlinq (1,15 milyon avro) dəyərində saat və zinət əşyaları götürüblər.

“Bir neçə gün əvvəl evimdə baş verən oğurluqdan necə məyus olduğumu izah edə bilmirəm. Ailə mənim üçün dünya deməkdir, onları təhlükəsiz saxlamaqdan daha vacib heç nə yoxdur. Travmatik bir təcrübə idi, Allaha şükür edirəm ki, heç kim zərər görmədi.

Son 12 ayda o qədər heyrətamiz nailiyyətlər və təcrübələr əldə etmişəm, düzünü desəm, futbol baxımından ən yaxşı ilim oldu, amma indi bunu qeyd edə biləcəyim bir şey kimi hiss etmirəm.

Bu cür dəhşətli cinayətləri törədən insanların bizim həyatımıza vurduqları zərərdən xəbərləri yoxdur. Ümid edirəm ki, onlar tapılıb ədalət qarşısında cavab verəcəklər ki, bizim yaşadıqlarımızı başqa heç bir ailə yaşamasın”, - Qriliş yazıb.