Norveç Futbol Assosiasiyası VAR-dan imtina edə bilər.
Publika.az xəbər verir ki, bu barədə "TV2.no" məlumat yayıb.
Mənbənin sözlərinə görə, bu məsələ 2025-ci ilin martında keçiriləcək futbol konqresində müzakirə olunacaq. Əksəriyyət qərarın lehinə səs verərsə, VAR ləğv edilə bilər.
Nəzərinizə çatdıraq ki, Norveçdə azarkeşlər videotəkrar sistemindən istifadənin əleyhinədirlər. Etirazlardan biri "Rusenborq" - "Lillestrom" matçında baş tutub. Matçın başlamasından cəmi iki dəqiqə sonra fiskekakerlər, yerli balıq tortları qazona atılıb. Bu da bir neçə fasiləyə və sonra oyunun tam dayanmasına səbəb olub.
Qeyd edək ki, İsveç də VAR texnologiyasından imtina edib. Yaxın gələcəkdə sistemdən istifadə edilməyəcəyi bildirilib.
Heybət
