UEFA Çempionlar Liqasında 1/8 finalın cavab oyunları davam edir.
Publika.az xəbər verir ki, bu gün növbəti mərhələyə vəsiqə qazanacaq daha iki komandanın adına aydınlıq gələcək.
Gecənin mərkəzi matçı İspaniyada keçiriləcək. "Barselona" doğma meydanda "Napoli" ilə üz-üzə gələcək. Neapolda keçirilən ilk qarşılaşmada qalib müəyyənləşmədiyindən (1:1) bu görüşə komandalar eyni şərtlər altında çıxacaqlar.
"Arsenal" isə doğma meydanda "Porto"nu qəbul edəcək. Portuqaliyada rəqibinə gözlənilmədən məğlub olan (1:0) İngiltərə təmsilçisi doğma publika önündə geridönüş etməyə çalışacaq.
Qeyd edək ki, daha əvvəl "Bayern", PSJ, "Mançester Siti" və "Real" 1/4 finala vəsiqə qazanıb.
UEFA Çempionlar Liqası: 1/8 final, cavab oyunları
12 mart
00:00 Arsenal - Porto (İlk oyun - 0:1)
00:00 Barselona - Napoli (İlk oyun - 1:1)
Heybət
