"Trabzonspor"un kapitanı Uğurcan Çakır yay aylarında olduğu kimi qış transfer dönəmində də gündəmdədir.
Publika.az xəbər verir ki, Çakırın “Roma” klubunun transfer siyahısında olduğu bildirilir. “Calciomercato”nun xəbərinə görə, Rui Patrisionun yerinə 3 namizəd müəyyənləşdirən paytaxt təmsilçisinin siyahısında Uğurcan Çakır da var.
2,5 ildir heyətdə olan 35 yaşlı Rui Patrisio ilə vidalaşmağa hazırlaşan "Roma"nın gündəmində olan digər isimlər isə “Monza”dan Miçel Di Qreqorio və "Leççe"dən Vadimiro Falkonedir.
Çakırın 2027-ci ilin iyun ayına qədər müqaviləsi olan Di Qreqorio və müqaviləsi 2028-ci ilin iyun ayına qədər olan Falkone ilə müqayisədə daha sərfəli qiymətə transfer oluna biləcəyi vurğulanıb.
