Ukrayna təmsilçisi "Dinamo Kiyev" Çempionlar Liqasının 2-ci təsnifat mərhələsi çərçivəsində baş tutmalı olan "Partizan" klubu ilə oyunla bağlı bütün ikitərəfli tədbirləri ləğv edib.

Publika.az xəbər verir ki, hətta qonaq azarkeşlərin belə stadionlara buraxılmaması qərara alınıb.

“Ukrayna bu gün terrorçu ölkə ilə qanlı müharibəyə görə tarixinin ən çətin dövrünü yaşayır. Buna görə "Dinamo" Rusiyaya kömək edən, xüsusən də bu ölkənin idmanını dəstəkləyən hər kəsi qınayır.

"Partizan" klubunun son vaxtlar Rusiyadakı yarışlarda iştirakını nəzərə alaraq, matç kontekstində klublar arasında keçirilməsi nəzərdə tutulan bütün ikitərəfli tədbirləri ləğv etmək qərarına gəlib. Biz həm də qərara gəldik ki, stadionlarda qonaq azarkeşlərin olmasından imtina edək.

Eyni zamanda, püşkatmanın nəticələrinə baxmayaraq, klubumuz böyük UEFA ailəsinin bir hissəsidir, biz dünya futbol prinsiplərinə, ənənələrinə, rəqiblərimizə hörmətlə yanaşırıq. Meydanda və meydandan kənarda "fair-play" prinsipinə əməl edirik”, - deyə klubun bəyanatında bildirilir.

Qeyd edək ki, bu gün Polşanın Lyublin şəhərindəki "Lublin Arena"da keçiriləcək görüş Bakı vaxtı ilə saat 22:00-da başlayacaq.

Heybət