Tanınmış boksçu Carrell Miller həbs edilib.
Publika.az xəbər verir ki, buna səbəb amerikalı idmançı avtosalondan avtomobil oğurladığı üçün polis tərəfindən saxlanılıb.
WSVN saytının məlumatına görə, amerikalı salonun əməkdaşını zərbə ilə yerə yıxıb, sonra isə avtomobilin açarlarını götürüb və onun “Dodge RAM” markalı avtomobili oğurlayıb.
Bir az sonra o, hadisə yerindən uzaqlaşıb. Oğurlanmış avtomobil izləyici cihaz ilə təchiz edildiyindən polislər onu qısa zamanda tapıblar.
Bir müddət sonra amerikalı Fort Lauderdeyldəki Brovard Şerifinin ofisinə aparılıb. O, 30.000 dollar girov ödədikdən sonra sərbəst buraxılıb. Miller silahsız hücum və oğurluqda ittiham olunur. Onu bir neçə illik azadlıqdan məhrum etmə cəzası alacağı gözlənilir.
