"Bayern" "Tottenhem"dən müdafiəçi Erik Dayeri transfer edib.
Publika.az xəbər verir ki, bu barədə klubun rəsmi saytı məlumat yayıb.
Futbolçu ilə 2024-cü il iyun ayına qədər müqavilə imzalanıb. Bu keçidə görə münhenlilər cəmi 2 milyon xərcə düşüb. İngiltərə millisinin üzvü yeni klubunda 15 nömrəli formanı geyinəcək.
29 yaşlı futbolçu 2015-ci ildən İngiltərə millisinin də üzvüdür. Erik həmçinin 2018 və 2022-ci il dünya çempionatlarında, eləcə də Avro-2016-da iştirak edib. "Transfermarkt" portalına görə, onun bazar dəyəri 12 milyon avrodur.
Heybət
