Almaniya kubokunun 1/4 finalında “Ştutqart”ı 3:2 hesabı ilə məğlub etməklə bu mövsüm “Bayer” Avropanın “top-5” liqasında məğlub olmayan yeganə komanda olaraq yoluna davam edib.
Publika.az xəbər verir ki, Leverkuzen təmsilçisinin mövsümün əvvəlindən başlayan məğlubiyyətsiz oyunlar seriyası artıq 30 matça çatıb. Avropanın ən yaxşı 5 liqasında 2011/2012 mövsümündə Antonio Kontenin rəhbərlik etdiyi “Yuventus”dan sonra heç kim bunu bacarmayıb.
Təkcə Almaniya komandalarından danışsaq, rekord “Bayern”ə məxsusdur – 32 məğlubiyyətsiz görüş.
Qeyd edək ki, 30 matçda “Bayer” 26 qələbə qazanıb (16-sı Bundesliqa, 6-sı Avropa Liqası, 4-ü Almaniya kuboku) və 4 dəfə heç-heçə edib.
