Suriyadakı yeni administrasiyanın Xarici İşlər Nazirliyi ölkədə sabitlik və rifahı təmin etmək üçün ABŞ-ın tətbiq etdiyi və ötən günlərdə yumşaldılan sanksiyaların tamamilə ləğvini tələb edib.

QÜTB.AZ xəbər verir ki, bu barədə Suriya Xarici İşlər Nazirliyi məlumat yayıb.

Açıqlamada sanksiyaların Əsəd rejiminin devrilməsi ilə qüvvəsini itirdiyi və hazırda Suriya xalqına mənfi təsir göstərdiyi bildirilib. Suriyada sabitliyin və rifahın təmin edilməsi üçün bu sanksiyaların tamamilə ləğv edilməsi çağırışı edilib. Məlumatda yeni administrasiyanın ABŞ-ın ölkəyə humanitar yardımların çatdırılmasını asanlaşdırmaq üçün bəzi enerji və pul köçürmələrinə icazə verən 6 aylıq istisnasını alqışladığı bildirilib.

Türkiyənin BMT-dəki daimi nümayəndəsi səfir Əhməd Yıldız Suriyadakı yeni proses işığında ölkəyə qarşı tətbiq edilən sanksiyaların aradan qaldırılması və məhdudiyyətlərə yenidən baxılması lazım olduğunu söyləyib. Fransanın xarici işlər naziri Jan-Noel Barrot Suriyaya humanitar yardımın çatdırılmasına mane olan və ölkənin bərpasını çətinləşdirən Avropa İttifaqının (Aİ) sanksiyalarının tez bir zamanda aradan qaldırıla biləcəyini açıqlayıb.

Aysel Şahmar