Bu gün Azərbaycan Premyer Liqasında sonuncu - 36-cı tur start götürəcək.

Publika.az xəbər verir ki, ilk gündə 3 matç keçiriləcək. Bununla da avrokuboklara vəsiqə qazanacaq komandaların adına aydınlıq gələcək.

Eyni vaxtda başlayacaq qarşılaşmalarda "Zirə" "Səbail"lə, "Sumqayıt" "Qəbələ" ilə, "Neftçi isə "Sabah"la qarşılaşacaq. Matçların nəticələrindən asılı olaraq "Sabah", "Neftçi" və "Sumqayıt" komandalarından biri avrokuboklardan kənarda qala bilər.

"Zirə"nin ölkə kubokunda final oyunu olduğuna görə komandanın avrokuboklara vəsiqə qazanıb-qazanmyacağı iyunun 2-də "Qarabağ"la keçiriləcək görüşdən sonra bəlli olacaq. Ancaq Rəşad Sadıqoun komandası bu gün qalib gələrsə, avrokuboklara vəsiqəni artıq təmin edəcək.

Hazırda turnir cədvəlində "Neftçi" 56 xalla 2-ci, "Zirə" 55 xalla 3-cü, eyni xalı olan "Sabah" 4-cü, "Sumqayıt" isə 54 xalla 5-cidir.

Azərbaycan Premyer Liqası, 36-cı tur
25 may (şənbə)
19:00 Zirə – Səbail
Hakimlər: İnqilab Məmmədov, Namiq Hüseynov, Rahil Ramazanov, Əli Əliyev
Hakim-inspektor: Ömər Paşayev
AFFA nümayəndəsi: Anar Şixəliyev
Zirə İdman Kompleksinin stadionu.

19:00 Neftçi – Sabah
Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə
Hakim-inspektor: Vüsal Əliyev
AFFA nümayəndəsi: Azər Əsgərov
“Neftçi Arena”.

19:00 Sumqayıt – Qəbələ
Hakimlər: Tural Qurbanov, Elşad Abdullayev, Pərvin Talıbov, Fərid Hacıyev
Hakim-inspektor: Rəhim Həsənov
AFFA nümayəndəsi: Seymur Səlimli
M.Hüseynzadə adına Sumqayıt şəhər stadionu

26 may (bazar)
17:00 Turan Tovuz – Kəpəz
Hakimlər: Rəşad Əhmədov, Kərim Zeynalov, Sənan Atayev, Nicat İsmayıllı
Hakim-inspektor: Ramil Diniyev
AFFA nümayəndəsi: İlham Əliyev
Tovuz şəhər stadionu

19:30 Araz-Naxçıvan – Qarabağ
Hakimlər: Əkbər Əhmədov, Rəhman İmami, Asif Abdullayev, Rauf Allahverdiyev
Hakim-inspektor: İmanxan Sultani
AFFA nümayəndəsi: Məmmədəli Məmmədov
“Azersun Arena”.

Heybət