“Aston Martin” komandasının sürücüsü Fernando Alonso “Haas” pilotu Kevin Maqnussenin diskvalifikasiyası ilə bağlı fikirlərini bölüşüb.

QÜTB.AZ xəbər verir ki, “Motorsport” Alonsonun sözlərini sitat gətirib:

“Mən Kevinə rəğbət bəsləyirəm? Yüz faiz, çünki dəfələrlə müzakirə etdiyimiz kimi, təhlükəli pilotaj üçün cərimə balları təyin edilməlidir. İdmana və başqalarına təhlükə yaratdığına görə. Amma onun belə etdiyinə əmin deyiləm və qarşımda pozuntuların siyahısı yoxdur. Kevin heç bir səbəb olmadan bir neçə dəfə cərimələnib. Bəzən sadəcə ağ xətləri keçmək, trasa təhlükəli giriş və bunlara bənzər hərəkətlərə görə. Yarış pozuntularına görə cərimələri başa düşürəm, lakin təhlükəsizliklə bağlı cərimələri başa düşmək bir az çətindir”.

Xatırladaq ki, Amerika komandasının nümayəndəsi sonuncu İtaliya Qran Prisi zamanı Pyer Qaslinin (“Alpin”) avtomobili ilə toqquşduğuna görə 10 saniyə cərimələnib və iki cərimə xalı alıb.

Hazırda Maqnussenin hesabında 12 xal var – bu, qaydalara görə, diskvalifikasiya deməkdir və buna görə də “Haas” sürücüsü Azərbaycan Qran Prisini buraxacaq.

Azərbaycan Qran Prisi sentyabrın 13-dən 15-dək baş tutacaq.