Britaniya vəliəhd şahzadəsi Uilyamın həyat yoldaşı Keyt Middlton kimyaterapiya kursunu bitirdikdən sonra ilk iş görüşü keçirib.

QÜTB.AZ xəbər verir ki, bu barədə "Sky News" telekanalı kral ailəsinin məhkəmə sirkulyarına istinadla məlumat yayıb.

Telekanalın məlumatına görə, görüş Vindzor qəsrində baş tutub. Tədbirdə Şahzadə Uilyamın xeyriyyəçi Kral Fondunun üzvləri iştirak ediblər. Uels şahzadəsi sonuncu dəfə ötən ilin dekabrında belə tədbirlərdə iştirak edib.

Lakin kral ailəsinin özü görüşün təfərrüatlarını açıqlamayıb.

Middltona xərçəng diaqnozu bu ilin martında qoyulub. Sonra o, profilaktik kimyaterapiya kursunun ilkin mərhələlərini keçməyə başlayıb.

Sentyabrın 9-da Middleton müalicəsinin başa çatdığını elan dib. Britaniya taxt-tacının varisinin həyat yoldaşı son doqquz ayı inanılmaz dərəcədə çətin dövr adlandırıb.

Uels şahzadəsi qeyd edib ki, o, hazırda mümkün qədər uzun müddət remissiyada qalmasını təmin etməyə diqqət yetirir.

Hüseyn İbadlı